თავიდან გაგიცანი,
ღიმილს გამოვედევნე.
სიტყვები – გაუხერხულდა
დაიბლანდა წარმოთქმამდე და
ვერ გადმოსცდა ფილტვებს ჰაერთან.
თვალებმა გამცეს,
კიდევ – გაყინულმა თითებმაც, -
სითბოს საძეიბლად რომ დაიწყეს ნელი სვლა
თვალიდან გულამდე, მხრების გამოტოვებით,
ხელზე მოგეჭიდე და ვერ გამხილე გრძნობად.
ვერ ავირჩიე ფიქრი – შეჩერებასა და წასვლას შორის,
ადევნებასა თუ დარჩენის ზღვართან.
არც დამეხმარე,
ვერც დამიხსენი.
გავვორდი,
შენით და ჩემით დავიწყე ხედვა,
ამერიე -
ფერებში,
გონებაში,
მომავალში,
წარსულში.
ვერ მომიპოვე, - თუმცა არც გიძებნივარ
ვერ შემნიშნე და
ვერც გამომიცანი.
ასე, რომ გთხოვ,
ნუღარ მესიზმრები
No comments:
Post a Comment